გასულ წელს, მსოფლიომ უკვე გაეცნო სხეულის 3 განზომილებიან სკანერს Scanatic 360, კომპანია TG3D Studio ახლა აცხადებს, რომ სკანერი გაუმჯობესდა. ახლა უკვე სკანირების საშუალებით, თქვენი სხეულის ფორმების და ზომების ზუსტი აზომვა ხორციელდება, რის საშუალებითაც თქვენ ზუსტად გეცოდინებათ, რა ზომის სამოსი უნდა შეიძინოთ მაღაზიაში. თუმცა, არ იფიქროთ, რომ მოწყობილობა მხოლოდ ზომების შესახებ გაწვდით ცნობებს, თქვენ შესაძლებლობა გაქვთ ზუსტად ნახოთ როგორ დგას ახალი სამოსი თქვენს ტანზე და გიხდებათ თუ არა ის. ახალი მოწყობილობის პრეზენტაცია, სანფრანცისკოში, Techcrunch's Disrupt-ის ღონისძიებაზე შედგა. მისი დახმარებით აუცილებელი აღარ იქნება მაღაზიაში, ან გასახდელში მისვლა იმისთვის, რომ მოისინჯოთ თქვენი მომავალი პიჯაკი, ან შარვალი. ხელსაწყო გარდა ფუნქციური ინოვაციისა, არის საკმაოდ კომპაქტურიც.
ანტონ თათვიძე
ავტორი