მაისში SOCAR-ი ბელორუსიას ნედლ ნავთობს აღარ მიაწვდის, რადგან ბელორუსიის კონცერნ Belneftekhim- ს აზერბაიჯანის სახელმწიფო ნავთობკომპანია SOCAR-ისთვის მაისის მომარაგებაზე განაცხადი არ წარმოუდგენია. ამის შესახებ აცხადებს სოკარის საზოგადოებასთან ურთიერთობისა და ღონისძიებების ორგანიზაციის დეპარტამენტის უფროსის მოადგილე, იბრაჰიმ ახმედოვი. მისი თქმით, ბელორუსს ნედლი ნავთობი აზერბაიჯანისგან არც აპრილში მიუღია.
”ჩვენი თანამშრომლობა ბელორუსთან გრძელდება ნავთობის მომარაგების საკითხზე. ამავე დროს, ჩვენ არ არღვევთ საერთაშორისო სანქციებს,” - ამბობს ახმედოვი.
იანვარ-აპრილში ბელორუსმა იმპორტით 1,575 მილიონი დოლარის ღირებულების ნავთობი იყიდა, საიდანაც 131 მილიონი დოლარი აზერბაიჯანულ ნავთობზე მოდის.
ბელორუსულ მხარესთან SOCAR Trading- ს მიერ გაფორმებული ხელშეკრულების თანახმად, წელს ამ ქვეყანაში 1 მილიონ ტონა ნავთობის ექსპორტი განხორციელდება. იანვარ-მარტში ბელორუსში განხორციელდა ნავთობის ოთხი გადაზიდვა მთლიანობაში 360,1 ათასი ტონა.
ცნობისთვის, 14 აპრილს SOCAR– მა და ბელნეფტეხიმმა ხელი მოაწერეს ურთიერთგაგების მემორანდუმს, რომელიც ითვალისწინებს აზერბაიჯანული მხარის თანამშრომლობას ბელორუსში წარმოებული ნავთობპროდუქტების რეალიზებაში მათ შორის, ბელორუსელ ექსპორტიორებთან ერთად. საერთო საინვესტიციო პროექტების განხორციელებას. ხელშეკრულებაში გათვალისწინმებულია SOCAR– ის მიერ ნავთობპროდუქტების გაყიდვის ზრდა ბელორუსის შიდა ბაზარზე.
შეგახსენებთ, შეერთებულმა შტატებმა სანქციები დააწესა ბელორუსის 9 კომპანიის წინააღმდეგ. ამ კომპანიებს შორისაა ნავთობკომპანია Belneftekhim, რომელთანაც SOCAR თანამშრომლობს.
ბელა გელაშვილი
ავტორი