SOCAR-ის მართვის გაუმჯობესების გეგმა დამტკიცდა. აზერბაიჯანის პრეზიდენტმა ილჰამ ალიევმა ხელი განკარგულებას "აზერბაიჯანის რესპუბლიკის სახელმწიფო ნავთობკომპანიის მენეჯმენტის გაუმჯობესების ზომების შესახებ" 23 იანვარს მოაწერა.
ბრძანების თანახმად, სამეთვალყურეო საბჭო 7 ადამიანისგან შედგება, რომელსაც ქვეყნის პრეზიდენტი ნიშნავს და ათავისუფლებს; სამეთვალყურეო საბჭოს თავმჯდომარედ აზერბაიჯანის ეკონომიკის მინისტრი მიქაელ ჯაბაროვი ინიშნება.
გადაწყვეტილება აზერბაიჯანის სახელმწიფო ნავთობკომპანიის საქმიანობის ეფექტურობის გაზრდის და მის მიერ კორპორატიული მართვის სტანდარტების სრულყოფის მიზნით იქნა მიღებული.
ცნობისთვის, კომპანია SOCAR-ი აზერბაიჯანში ნავთობის, გაზისა და ნახშირწყალბადების მომპოვებელი კომპანიაა, რომელიც მათ გადამუშავებას, ტრანსპორტირებას და შიდა დაგარე ბაზრებზე რეალიზაციას ახდენს.
მის შემადგენლობაში შედის 3 მწარმოებელი გაერთიანება - ნავთობგადამამუშავებელი და გაზგადამამუშავებელი ქარხნები, ბაქოს ღრმაწყლოვანი ქარხანა, სამეცნიორო - კვლევითი დაწესებულება და სხვა ქვეგანყოფილებები.
ბელა გელაშვილი
ავტორი