მიმდინარე წლის 26 იანვარს გამოცხადდა მეორე საარბიტრაჟო გადაწყვეტილება აზერბაიჯანის სახელმწიფო ნავთობკომპანიასა (SOCAR) და Palmali-ს საქმეზე.
SOCAR–ის ცნობით, გადაწყვეტილება მიიღებულია SOCAR-ის ჯგუფის სასარგებლოდ. SOCAR-ს უნდა აუნაზღაურდეს 63 მილიონი აშშ დოლარი. ლონდონის საერთაშორისო საარბიტრაჟო სასამართლომ Palmali– ს საპასუხო სარჩელი მთლიანად გააუქმა.
ცნობისთვის, SOCAR– სა და Palmali– ს შორის მრავაწლიანი კომერციული ურთიერთობა არსებობდა, თუმცა ამ ორ კომპანიას არასოდეს შეუქმნიათ ერთობლივი საწარმო.
Palmali– ს მიერ ნაკისრი ვალდებულებების შეუსრულებლობის გამო, SOCAR- მა 2018 წელს დაიწყო მის წინააღმდეგ სამი საარბიტრაჟო დავა. პირველ სასამართლო პროცესზე, ლონდონის საერთაშორისო საარბიტრაჟო სასამართლომ გადაწყვეტილება მიიღო SOCAR- ისთვის 49,5 მილიონ დოლარიანი კომპენსაციის შესახებ. სამი პროცესიდან ორჯერ Palmali– ს ჯგუფს ჯამში დააკისრეს 112,5-მილიონი დოლარის კომპენსაციის გადახდა SOCAR- ისთვის.
კომპანიებს შორის მესამე საარბიტრაჟო დავა უკვე დასრულებულია და მხარეები სასამართლო გადაწყვეტილებას ელოდებიან.
ბელა გელაშვილი
ავტორი