წაბლისა და ცაცხვის თაფლი ექსპორტისთვის ემზადება. კომპანია "თაფლი 5500" საკუთარ პროდუქტს იტალიასა და ესტონეთში გაიტანს. ამისთვის კომპანია წარმოების გაორმაგებას გეგმავს. სოფელ მარილიში მეწარმეები ამ ეტაპზე მხოლოდ 5-10 ტონა თაფლს აწარმოებენ. სეზონურად 15 ადამიანს ასაქმებენ.
"თაფლი 5500" ახალგაზრდა მეწარმეთა სკოლის პროექტია. გადამზადებულმა მეწარმეებმა 5000 ლარიანი გრანტი დახმარების სახით მიიღეს. სკოლა 7500-ლარიან გრანტს კიდევ 55 პროექტზე გასცემს. ჯამში 600 მეწარმე გადამზადდება. სკოლა წელს მეწამეების მე-6 ნაკადს იღებს.
"პროექტი მეოთხე წელია მიმდინარეობს. არაჩვეულებრივი შედეგი გვაქვს. ჩვენ ვიღებთ 16 დან 28 წლამდე ახალგაზრდებს. მათ წელიწადში 2-ჯერ შეუძლიათ ჩვენს სკოლაში სამეწარმეო უნარების შეძენა-ამაღლება. სწავლობენ ბიზნესპროექტის წერას, რისკების შეფასებას და მინიმალიზებას, ბოლოს ვაფინანსებთ კიდეც," - განუცხადა Report.ge-ს ახალგაზრდა მეწარმეთა სკოლის პროექტის ხელმძღვანელმა ნინო ლაგვილავამ.
ბელა გელაშვილი
ავტორი