საერთაშორისო სარეიტინგო სააგენტო Fitch-ის პროგნოზით, 2021 წლის ბოლოსთვის თურქეთში ინფლაცია 25%-მდე გაიზრდება.
კომპანიაში აცხადებენ, რომ ინფლაციის ზრდა ძირითადად ლირის გაუფასურებით იქნება გამოწვეული. რაც თავის მხრივ, სახელმწიფო ვალის მშპ-ს 47%-მდე გაზრდას გამოიწვევს.
სააგენტო აღნიშნავს, რომ რეიტინგულ სუვერენულ ქვეყნებს შორის სამომხმარებლო ფასების ინდექსი თურქეთში ერთ-ერთი ყველაზე მაღალია.
ამასთან, Fitch-ის პროგნოზით, 2022-2023 წლებში თურქეთში ინფლაცია საშუალოდ 20%-ს მიაღწევს.
სახელმწიფო ვალის მშპ-ის თანაფარდობის შესამჩნევი გაუარესების შემთხვევაში სააგენტომ შესაძლოა ქვეყნის რეიტინგი შეამციროს.
თურქული ვალუტა, რომელიც წლის დასაწყისში ერთ დოლარზე 7,4 ლირად ივაჭრებოდა, წლის განმავლობაში 75%-ზე მეტით გაძვირდა, 23 ნოემბერს კი ახალი ანტირეკორდი დაამყარა, 16%-ით დაეცა. ეს მოხდა მას შემდეგ, რაც თურქეთის ცენტრალურმა ბანკმა 18 ნოემბერს გადაწყვიტა დისკონტის განაკვეთი 16%-დან 15%-მდე შეემცირებინა.
