თავში

თურნავა: მეშახტეების უსაფრთხოება მთავარი საზრუნავია

თურნავა: მეშახტეების უსაფრთხოება მთავარი საზრუნავია
თურნავა: მეშახტეების უსაფრთხოება მთავარი საზრუნავია

"მეშახტეების უსაფრთხოება მთავარი საზრუნავია და უაღრესად მნიშნელოვანია, რომ ადგილობრივი ნახშირის მოპოვება უსაფრთხოდ, შრომის პირობების სრული დაცვით მიმდინარეობდეს," - ამის შესახებ ეკონომიკისა და მდგრადი განვითარების მინისტრმა ნათია თურნავამ ტყიბულში, კომპანია „საქნახშირში“ დასაქმებულ მეშახტეებთან შეხვედრისას განაცხადა.

მინისტრი თურნავა ადგილზე გაეცნო ტყიბულის შახტაში ახალი ინვესტორის მისვლის შემდეგ განხორციელებულ ცვლილებებს, განახლებულ ინფრასტრუქტურას, მეშახტეების სამუშაო პირობებს და პირადად მოისმინა მეშახტეებისგან მათი სამუშაო პირობების შესახებ.

მისი თქმით, ხელისუფლება, ყველაფერს გაააკეთებს მეშახტეების შრომითი პირობების გასაუმჯობესებლად.

„მიხარია, რომ ახალი მენეჯმენტი ამ თვალსაზრისით ბევრს აკეთებს და აუმჯობესებს მეშახტეების შრომის პირობებს. ამ პერიოდში ბევრი რამ გაკეთდა მათი მატერიალურ-ტექნიკური ბაზის, კვების პირობების, ჯანმრთელობის დაცვის კუთხით შეთავაზებული სერვისების და მთლიანობაში შრომითი პირობების გაუმჯობესებისთვის. თუმცა, მთავარი აქცენტი, რა თქმა უნდა, შრომის უსაფრთხო პირობებზე უნდა გაკეთდეს. ჩვენ, ხელისუფლება, ყველაფერს ვაკეთებთ, რომ მეშახტეების შრომითი პირობები გაუმჯობესდეს და ამას ინვესტორი კომპანიისგანაც მკაცრად მოვითხოვთ, რადგან ჯერ კიდევ ბევრი რამ არის გასაკეთებელი“, - აღნიშნა ნათია თურნავამ.

მისივე თქმით, ქართული ნახშირი არის ქვეყნის ენერგეტიკული დამოუკიდებლობის საწინდარი და სამომავლოდ ენერგეტიკაში ქართული ნახშირის მეტად გამოყენება იგეგმება. მინისტრმა ასევე იმედი გამოთქვა, რომ უახლოეს პერიოდში მწყობრში ჩადგება თბოსადგურიც.

ტყიბულის შახტში ახალი ინვესტორი კომპანიის მისვლის შემდეგ უკვე განხორციელდა მნიშვნელოვანი ცვლილებები, კერძოდ გარემონტდა და მოეწყო მიწისზედა კომპლექსი, განახლდა აბანო-გარდერობები და დამხმარე სათავსოები, სასადილო, მიმდინარეობს თანამშრომლების პირადი აღჭურვილობისა და საჭირო ეკიპირების სრული განახლება, გამართულად მუშაობს ავტომატური საგაზო დაცვა, შახტები აღიჭურვა საიმედო გაზის საზომი აპარატებით, აღდგა მწყობრიდან გამოსული მექანიზმები, განხორციელდა მიწისქვეშა გვირაბების სარეაბილიტაციო და გადამაგრებითი სამუშაოები; მოხდა ახალი მიწისქვეშა გვირაბების გაყვანა, გარემონტდა და დამზადდა ახალი სახალხო ვაგონები და სხვა.

შეხვედრას ასევე ესწრებოდენ "საქნახშირის" მფლობელი კომპანია Steel International Trade Company-ის მენეჯერი ალექსანდრე ჩოჩია და სახელმწიფო რწმუნებული იმერეთის რეგიონში ზვიად შალამბერიძე.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system