„ფორტეპიანო ახალი სათამაშოსავითაა, სადაც სხვადასხვა გზით შეგიძლია ითამაშო.“-ამბობს ახალგაზრდა პიანისტი და ჯაზმენი , პაპუნა შარიქაძე. აბსოლუტურმა სმენამ და იმპროვიზაციის სიყვარულმა ბერკლის სამუსიკო კოლეჯამდე მიიყვანა. თუმცა, მანამდე იყო თბილისში , ნიჭიერთა ათწლედი და ბავშვობა , რომელიც 5 წლის ასაკიდან მუსიკას უკავშირდებოდა. 12 წლიდან კი ჯაზით დაინტერესდა და მას შემდეგ ამ საოცარ სამყაროში მოგზაურობს. ახალგაზრდა პიანისტი ბერკლში სწავლის პერიოდში , ჯაზის ნამდვილ ლეგენდებს შეხვდა და მათ შორის არაერთი კოლაბორაციაც შედგა. პაპუნა შარიქაძე, ამჟამად, საქართველოშია .
