ცნობილი ქართველი მომღერალი ვერიკო ტურაშვილი აზერბაიჯანული სიმღერების ალბომზე მუშაობს.
აზერბაიჯანულ მედიაში მასთან ჩაწერილი ინტერვიუ გამოქვეყნდა. როგორც ვერიკო ტურაშვილი ინტერვიუში ამბობს, მან რეპერტუარისთვის აზერბაიჯანული ფოლკლორის ნიმუშები აირჩია, რაც საკმაოდ რთული გამოწვევა იყო ქართველი მომღერლისთვის.
ორი სიმღერა, "ლაჩინი" და "სარი გელინი", უკვე მზად არის ორივე ენაზე. ალბომიც, როგორც ვერიკო ტურაშვილი ამბობს, ორენოვანი იქნება.
ქართველი მომღერალი კლიპის გადაღებას ყარაბაღში, ლაჩინის რაიონში გეგმავს. ამასთან, ამბობს, რომ პოლიტიკისგან შორსაა და მისთვის მხოლოდ კულტურული ურთიერთობებია მნიშვნელოვანი.
