მას შემდეგ, რაც სეით ივანიშვილმა პირველი უკულელე გამოიწერა, გადაწყვიტა, განსაკუთრებული ჟღერადობის საკრავი თავადაც შეექმნა. სამსახურიდან წამოვიდა და უკულელეების დამზადება საკუთარი ხელით დაიწყო. ამ დროისთვის სეითს 1000-მდე საკრავი აქვს დამზადებული. ბავშვობის გატაცება მის შემოსავლის წყაროდაც იქცა და საყვარელ საქმიანობადაც, რომელიც ოცნების ასრულებაში დაეხმარა. უკულელე, გიტარა, ფანდური, პიანინო, აკორდეონი - დღეს მის სახელოსნოში სხვადასხვა მუსიკალურ ინსტრუმენტებს შეხვდებით.
