პარლამენტის ვიცე სპიკერი არჩილ თალაკვაძე გერმანიის ელჩს საქართველოში ჰუბერტ ქნირშს შეხვდა.
შეხვედრაზე საქართველო-გერმანიის ორმხრივ ურთიერთობებსა და საქართველოს ევროკავშირთან ინტეგრაციის პროცესზე ისაუბრეს.
"გერმანიის მხარდაჭერა საქართველოს ევროინტეგრაციის პროცესში განსაკუთრებით მნიშვნელოვანია. ვისაუბრეთ მიღწეულ პროგრესზე და შესაძლებლობებზე, რომელიც საქართველოს აქვს ასოცირების შეთანხმების მიხედვით. ელჩს მადლობა გადავუხადე მხარდაჭერისთვის - ჰუბერტ ქნირში საქართველოს მეგობარი და გულშემატკივარია", - განაცხადა არჩილ თალაკვაძემ გერმანიის ელჩთან შეხვედრის შემდეგ.
