ბუქარესტის სამიტის გადაწყვეტილება იმის შესახებ, რომ საქართველო და უკრაინა აუცილებლად გახდება ნატო-ს წევრი, არ გადაიხედება. ამის შესახებ საქართველოს საგარეო საქმეთა მინისტრმა დავით ზალკალიანმა განაცხადა.
მისი თქმით, სამიტის გადაწყვეტილებები არაერთხელ იყო გამეორებული უმაღლესი დონის სამიტებზე, მათ შორის ბოლო 2021 წლის სამიტის დეკლარაციაშიც მკაფიოდაა მოცემული, რომ საქართველო აუცილებლად გახდება ნატოს წევრი.
"საერთაშორისო სამართლის ფუნდამენტური პრინციპების შესაბამისად, ყველა ქვეყანას აქვს უფლება, თვითონ აირჩიოს საკუთარი უსაფრთხოების ალიანსები და ეს არის ის ვალდებულება, რომელზეც თავად რუსეთის ფედერაციას აქვს ხელი მოწერილი, მათ შორის ჰელსინკის დეკლარაციით, ასევე პარიზის გადაწყვეტილებით და ყველა დიდ საერთაშორისო შეთანხმებებში ამის შესახებ არის საუბარი. ასე რომ, ნატო-ს გადაწყვეტილება არის შეუქცევადი და ეს არის გასარკვევი მხოლოდ ნატო-სა და იმ ქვეყანას შორის, რომელიც მიისწრაფვის ნატო-სკენ“, - განაცხადა დავით ზალკალიანმა.
დემეტრე ერგემლიძე
ავტორი