დასავლეთმა მკაფიოდ გაგვიმეორა, რომ 19 აპრილის შეთანხმება მათთვის ძალაშია და არსად წასულა, – ამის შესახებ "სტრატეგია აღმაშენებლის" ლიდერმა, გიორგი ვაშაძემ განაცხადა.
"დასავლეთი ჩვენს პოზიციას სრულად იზიარებს და აქ საუბარია, თუ რა კონკრეტული ნაბიჯები უნდა გადადგას ჩვენმა დასავლელმა პარტნიორებმა. ვამბობ, რომ არ შეიძლება დაისაჯოს ქართველი ხალხი. უნდა დაისაჯონ ის ადამიანები, ვინც "ქართული ოცნებიდან" უშუალოდ მიიღო გადაწყვეტილება ამ შეთანხმებიდან გასვლის. წინააღმდეგი ვარ, უვიზო მიმოსვლის შეწყვეტის, მაგრამ მომხრე ვარ სანქციების იმ ადამიანების მიმართ, ვინც ასე არღვევენ ევროპულ შეთანხმებას", – განაცხადა ვაშაძემ ევროკავშირის ოფისში გამართული შეხვედრის შემდეგ.
