დღეს პარლამენტში რიგგარეშე სესია გაიმართება. დეპუტატები რეგლამენტში შესატან ცვლილებებზე იმსჯელებენ. კანონპროექტს მესამე მოსმენით უყრიან კენჭს.
ცვლილებები შეეხება ფრაქციის შექმნის წესს, ამასთან, უქმდება საპარლამენტო უმრავლესობა და უმცირესობა. მცირდება ვიცე-სპიკერების რაოდენობა.
რეგლამენტის თანახმად, აღნიშნული ცვლილებები მეათე მოწვევის პარლამენტისთვის განისაზღვრება.
შეგახსენებთ, პარლამენტმა საგაზაფხულო სესიის ფარგლებში მუშაობა 26 ივნისს დაასრულა.
საკანონმდებლო ორგანო მუშაობას რიგგარეშე სესიების ფარგლებში აგრძელებს.