ბრიუსელში საქართველოს პრეზიდენტთან სალომე ზურაბიშვილთან შეხვედრისას ევროკომისარმა ევროპული სამეზობლო პოლიტიკისა და გაფართოების საკითხებში ოლივერ ვარჰეიმ კიდევ ერთხელ დაადასტურა ევროკავშირის მხარდაჭერა საქართველოს მიმართ „COVID-19“-თან ბრძოლის პროცესში და ვაქცინაზე ადრეული წვდომის საკითხში.
„ევროკავშირი საქართველოს გვერდით დგას, მათ შორის ვაქცინაზე ადრეული წვდომის საკითხში. ჩვენ ასევე მხარს დავუჭერთ ეკონომიკურ განვითარებასა და აღდგენას“, - განაცხადა ოლივერ ვარჰეიმ.
ინფორმაციას პრეზიდენტის ადმინისტრაცია ავრცელებს.