გერმანიის პროკურატურამ არასწორად შეარჩია სიტყვები, როდესაც საქართველოს მთავრობა დაახასიათა, როგორც "პრორუსული" , - ამის შესახებ ევროპარლამენტარმა, ვიოლა ფონ კრამონიმ "ტვიტერში" დაწერა.
„ქართველმა ოფიციალურმა პირებმა საბედნიეროდ, თავიდან აიცილეს კიდევ ერთი მკვლელობა თბილისში, რომელიც სავარაუდოდ კადიროვმა დაუკვეთა. ევროკავშირი მეზობლებს ასეთი საზარელი დანაშაულების წინააღმდეგ ბრძოლაში უფრო მეტად უნდა დაეხმაროს. გერმანიის პროკურატურამ არასწორად შეარჩია სიტყვები, როდესაც საქართველოს მთავრობა დაახასიათა, როგორც "პრორუსული" , - წერს კრამონი „ტვიტერზე“.
ცნობისთვის, გერმანიის გენერალურმა პროკურატურამ ბერლინში საქართველოს მოქალაქის, ზელიმხან ხანგოშვილის მკვლელობაში ეჭვმიტანილს ბრალი წაუყენა.
