საქართველოს ყოფილი პრეზიდენტი გიორგი მარგველაშვილი აცხადებს, რომ მას დაცვა გაუუქმეს. ამის შესახებ მარგველაშვილი „ტვიტერის“ საკუთარ გვერდზე წერს.
„გუშინ გულითადი მადლობა გადავუხადე ჩემი პირადი დაცვის წევრების შესანიშნავი სამსახურისთვის და გამოვემშვიდობე მათ – ეს საუკეთესო თანამებრძოლების გუნდია. ეს იყო გზააბნეული „ქართული ოცნების“ კიდევ ერთი პოლიტიზირებული გადაწყვეტილება, რათა ძირი გამოუთხარონ პრეზიდენტის ინსტიტუტს“, – წერს გიორგი მარგველაშვილი.
Yesterday said wholehearted THANK YOU for the excellent service and goodbye to my bodyguards - to the best team of dedicated brothers in arms.
— Giorgi Margvelashvili (@MargvelashviliG) March 3, 2020
One more politicized decision to undermine presidentâs institution by lost GD
გასულ წელს განხორციელდა საკანონმდებლო ცვლილებები, რომელთა თანახმადაც, პრემიერ-მინისტრს, პრეზიდენტსა და პარლამენტის თავმჯდომარეს ვადის გასვლიდან ან უფლებამოსილების შეწყვეტიდან ერთი წლის შემდეგ დაცვა აღარ ეყოლებათ, თუმცა დაცვა შეიძლება დაენიშნოთ მთავრობის გადაწყვეტილებით, შესაბამისი საფრთხის არსებობის საფუძველზე.
