პარტია "მოქალაქეების"ლიდერი, ალეკო ელისაშვილი აცხადებს, რომ "ნაციონალურ მოძრაობისა" და "ქართული ოცნების" რიტოტიკის გამო, შერიგების პროცესს სკეპტიკურად უყურებს.
მისივე თქმით, პირადად მან, პროცესი "სტრატეგია აღმაშენებლის" ლიდერთან შერიგებით აიწყო.
"გიორგი ვაშაძეს შევურიგდი, ხელი ჩამოვართვი – ვთქვი, ბარემ, აქედან საქმით დავიწყო-თქო, დავუძახე, მოდი შეგირიგდე-თქო და შევურიგდი. ეკა ბესელია მანამდე წავიდა, მაგრამ არ შევურიგდებოდი. ადამიანებში გულახდილობა მომწონს. პრეზიდენტის გამოსვლაში მომეწონა ის, რომ თქვა, არ ვიცი, არც სქემა მაქვს მოფიქრებული და არ ვიცი, რა გამოვა, მაგრამ ცდად არ დავაკლებ, რომ გარკვეულ საკითხებზე მივიდეთო. მისი ეს გულწრფელობა მომეწონა. ამ პროცესს მეც სკეპტიკურად ვუყურებ, რადგან ვხედავ, რა რიტორიკა აქვს "ნაციონალურ მოძრაობას" და "ქართულ ოცნებას"“. ეს ეჭვებს აღმიძრავს, რომ ამ საქმიდან შეიძლება, არაფერი გამოვიდეს, თორე, ვაშაძეს კი შევურიგდი. ვიცი, რომ ინტენსიური შეხვედრები იქნება. პრეზიდენტმა თქვა, მიუხედავად იმისა, რომ ზოგიერთი პარტია არ მოვიდა, შეურაცხყოფად არ მიმიღია და მზად ვარ, ინდივიდუალურად შევხვდეო. ყველამ უნდა ვცადოთ და იქნებ გამოგვივიდეს. კარგი იყო, როცა მიშელი თუ დენიელსონი ჩვენს შერიგებას ცდილობდნენ, მაგრამ თავს რაღაცნაირად ვგრძნობდი, რომ ქართველების შერიგებას უცხოელები რატომ უნდა ცდილობდნენ, როცა აქ ვართ და ერთ ქალაქში ვართ, როგორ არ შეგვიძლია, საერთო ენა ვიპოვოთ. უნდა ვცადოთ, ვნახოთ, რა გამოვა ამ ამბისგან", – განაცხადა ალეკო ელისაშვილმა.
ცნობისთვის, საქართველოს პრეზიდენტმა, სალომე ზურაბიშვილმა 16 დეკემბერს ორბელიანების სასახლეში პოლიტიკური პარტიების წარმომადგენლებს უმასპინძლა.
