სახელმწიფო უსაფრთხოების სამსახურის უფროსი გრიგოლ ლილუაშვილი საქართველოში მყოფ აზერბაიჯანის რესპუბლიკის უსაფრთხოების სამსახურის უფროსს ალი ნაგიევს შეხვდა.
საუბარი შეეხო უსაფრთხოების კუთხით ურთიერთთანამშრომლობის ძირითად მიმართულებებს. ხაზი გაესვა საქართველოსა და აზერბაიჯანის უსაფრთხოების სამსახურებს შორის არსებული მჭიდრო თანამშრომლობის მნიშვნელობას.
შეხვედრის დაწყებამდე, გრიგოლ ლილუაშვილმა და ალი ნაგიევმა გვირგვინით შეამკეს საქართველოს ტერიტორიული მთლიანობისთვის დაღუპული გმირების მემორიალი და ჰეიდარ ალიევის ძეგლი.
