უკრაინაში ოფიციალური ვიზიტის ფარგლებში, დღეს პრეზიდენტ ვლადიმერ ზელენსკისა და პრემიერ-მინისტრ გიორგი გახარიას შორის პირისპირ შეხვედრა გაიმართება.
საქართველოს პრემიერ-მინისტრი, სუამ-ის წევრი სახელმწიფოების მთავრობათა მეთაურებთან ერთად, უკრაინის პრეზიდენტს გუშინაც შეხვდა.
სუამ-ის პლენარული სხდომის მონაწილე დელეგაციების ხელმძღვანელებს ვლადიმერ ზელენსკიმ კიევში, პრეზიდენტის ადმინისტრაციაში უმასპინძლა.
საქართველოს მთავრობის მეთაური ასევე შეხვდება უკრაინის პრემიერ-მინისტრ ალექსი გონჩარუკს და უმაღლესი რადას თავმჯდომარე დმიტრო რაზუმკოვს.
შეგახსენებთ, რომ გიორგი გახარიას ოფიციალური ვიზიტი უკრაინაში გუშინ, 12 დეკემბერს დაიწყო.