საქართველოს მესამე პრეზიდენტი მიხეილ სააკაშვილი მორიგ წერილს ავრცელებს და მხარდამჭერებს მიმართავს:
"დიდი მადლობა იმ ადამიანებს, რომლებიც დღეს გავლით იყვნენ ციხესთან და ბედმა გამიღიმა, შევძელი მათთვის დამეყვირა - "მიყვარხართ" და იმედია, ამ სიტყვამ თქვენს ყურამდე მოაღწია.
დიახ, მიყვარხართ ყველა თავისუფლებისმოყვარე ქართველი და მიყვარხარ საქართველო!
შეიძლება ყოველდღე ფიზიკურად ვსუსტდებოდე, მაგრამ მორალურად ნამდვილად ასევე ყოველდღე ვძლიერდები", - წერს მიხეილ სააკაშვილი.
ცნობისთვის, რუსთავის ციხეში მყოფი სააკაშვილი დღეს აქციის მონაწილეებს ციხის საკნიდან მიესალმა.
შეგახსენებთ, საქართველოს მესამე პრეზიდენტი, პირველ ოქტომბერს დააკავეს.
მიხეილ სააკაშვილი ციხეში 21-ე დღეა შიმშილობს.