მოსახლეობის 82%- თვლის, რომ საქართველოში ახალი კორონავირუსის პანდემიის დროს ეკონომიკური სიტუაცია გაუარესდა,- კვლევა საერთაშორისო რესპუბლიკურმა ინსტიტუტმა (IRI) გამოაქვეყნა.
მოსახლეობის 42% თვლის, რომ სიტუაცია ნაწილობრივ გაუარესდა, ხოლო 40%-ის აზრით, ძალიან გაუარესდა. 2% თვლის, რომ სიტუაცია გაუმჯობესდა ხოლო 1%-ის აზრით ძალიან გაუმჯობესდა.
მოსახლეობის 43% ოჯახში არსებულ ეკონომიკურ მდგომარეობას, ნაწილობრივ ცუდად აფასებს, ხოლო 22% ძალიან ცუდად. ოჯახში არსებულ ეკონომიკურ მდგომარეობას მხოლოდ 1% აფასებს ძალიან კარგად, 32% ნაწილობრივ კარგად, ხოლო 1%-მა კითხვას პასუხი არ გასცა.
67% ფიქრობს რომ პანდემიის შემდეგ ოჯახში ეკონომიკური სიტუაცია გაუარესდა.
საერთაშორისო რესპუბლიკურმა ორგანიზაციამ (IRI) კვლევა 4 ივნისიდან 2 ივლისამდე ჩაატარა და სულ 1 500 ადამიანი გამოკითხა. კვლევის ცდომილება 2,5%-ია.
