პარლამენტის იურიდიულ საკითხთა კომიტეტმა საარჩევნო სისტემის ცვლილებაზე კონსტიტუციური კანონის პროექტის განხილვა დაიწყო.
ჯერჯერობით სხდომას მხოლოდ საპარლამენტო უმრავლესობის წევრები, დამოუკიდებელი დეპუტატი ეკა ბესელია, ასევე ფრაქცია "დამოუკიდებელი დეპუტატების" წევრები - მარიამ ჯაში, ბექა ნაცვლიშვილი, გედევან ფოფხაძე და ლევან გოგიჩაიშვილი ესწრებიან.
რაც შეეხება ოპოზიციას, ცნობილია, რომ "ნაციონალური მოძრაობის" და "ევროპული საქართველოს" წევრები არც განხილვებსა და არც კენჭისყრაში მონაწილეობის მიღებას არ აპირებენ.