იუსტიციის სამინისტრომ სახელმწიფო ინსპექტორის გადაწყვეტილება გაასაჩივრა, რომელიც მიხეილ სააკაშვილის რუსთავის ციხიდან გლდანის მე-18 სამკურნალო დაწესებულებაში გადაყვანის კადრებს ეხებოდა.
მინისტრის თქმით, აქვთ მყარი არგუმენტები, რომლითაც სასამართლოს წინაშე წარდგებიან.
"გუშინ იუსტიციის სამინისტრომ გაასაჩივრა სახელმწიფო ინსპექტორის ადმინისტრაციული აქტი და ბუნებრივია, ეს არის უკვე სასამართლოს განსახილველი საკითხი. ჩვენ იქ გვექნება ძალიან მყარი არგუმენტები იმაზე, თუ რატომ გავასაჩივრეთ", — განაცხადა ბრეგაძემ.
