"ღია კონფლიქტები საფრთხეს უქმნის რეგიონში ქვეყნების განვითარებასა და სტაბილურობას", - ამის შესახებ აზერბაიჯანის რესპუბლიკის საგარეო საქმეთა მინისტრმა, ჯეიჰუნ ბაირამოვმა ქართველ კოლეგასთან შეხვედრის შემდეგ განაცხადა.
მინისტრის თქმით, რეგიონის სწრაფი განვითარებისთვის, აუცილებელია ოკუპაციის დასრულება და იძულებით გადაადგილებულების საკუთარ სახლებში დაბრუნება.
ჯეიჰუნ ბაირამოვის თქმით, საქართველოსა და აზერბაიჯანის რესპუბლიკის ღრმა სტრატეგიული ურთიერთობა დიდ წვლილს შეიტანს რეგიონის განვითარებაში და არა მხოლოდ რეგიონალურ, არამედ საერთაშორისო ასპარეზზეც.
