„ქართული ოცნება“ ევროპარლამენტს სთავაზობს, თბილისის ყოფილი მერის, „ევროპული საქართველოს“ ერთ-ერთი ლიდერის, გიგი უგულავას საქმის შესასწავლად საქართველოში მისია გამოგზავნოს. ამის შესახებ სოციალურ ქსელ Twitter-ში „ქართული ოცნების“ გენერალურმა მდივანმა, თბილისის მერმა, კახა კალაძემ დაწერა.
„მთავარი პოლიტიკური ჯგუფების წევრ ევროპარლამენტარების უგულავას საქმეზე ინფორმაციის მიწოდების გარდა, ჩვენ შევთავაზეთ მათ საქართველოში ევროპარლამენტის მისიის გაგზავნა, სისხლის სამართლის საქმის დეტალების, პროცედურული მხარის შესასწავლად და შესაფასებლად, სრული გამჭვირვალობის უზრუნველსაყოფად“, – წერს კახა კალაძე.
As stated to the press, in addition to providing MEPs from the main political families with information on Ugulava case, we proposed dispatching MEPs fact finding mission to Georgia to scrutinize/assess the substance&procedural side of this criminal case to ensure full clearity pic.twitter.com/Exyey1vHnw
— Kakha Kaladze (@kakhakala) February 12, 2020
ცნობისთვის, კახა კალაძე და ირაკლი კობახიძე სამუშაო ვიზიტით სტრასბურგში იმყოფებიან და ევროპარლამენტარებთან შეხვედრებს მართავენ.