"თავისუფლება მიშას", "მადლობა ქვეყნის მესამე პრეზიდენტს" - ამ სლოგანებით გორში მიხეილ სააკაშვილის მხარდამჭერი აქცია გაიმართა.
მოქალაქეები ვარდების რევოლუციიდან მე-18 წლისთავთან დაკავშირებით შეიკრიბნენ და აღნიშნული წარწერებით ბანერები გაშალეს, მოგვიანებით კი თეთრი და წითელი ბუშტები გაუშვეს.
აქცია სიმბოლურად წერეთლის სახელობის ქუჩაზე გაიმართა, რომლის რეაბილიტაციაც მიხეილ სააკაშვილის ხელისუფლებაში ყოფნის პერიოდში განხორციელდა.