ყველა ქართველი ქაბულიდან უსაფრთხოდ მოემგზავრება სამშობლოში. ამის შესახებ საქართველოს პრეზიდენტმა სალომე ზურაბიშვილმა ტვიტერზე დაწერა.
მან პარტნიორ ქვეყნებს მოქალაქეთა ევაკუაციაში გაწეული მხარდაჭერისთვის მადლობა გადაუხადა.
„ყველა ქართველი უსაფრთხოდ მოემგზავრება სამშობლოში ქაბულიდან! ჩვენ მადლობას ვუხდით პარტნიორებს - დიდ ბრიტანეთს, თურქეთს, აშშ-ს, რომლებიც დაგვეხმარნენ მათ ევაკუაციაში. სიტუაცია კვლავ ძალიან შემაშფოთებელია და მე სოლიდარობას გამოვხატავ ჩვენი პარტნიორების მიმართ, რომლებიც ევაკუაციის პროცესს უძღვებიან“, - ნათქვამია პრეზიდენტის ტვიტში.
