მამუკა ხაზარაძემ პარლამენტთან გამართულ აქციაზე შეკრებილებს მიმართა. მან თქვა, რომ ხელისუფლება არალეგიტიმურია და არჩევნებზე სამთავრობო გუნდის მიერ ხმები მოპარულ იქნა. "ლელოს" ლიდერმა პერმანენტული აქციები დააანონსა და განაცხადა, რომ ქუჩაში ბრძოლისთვის, ხალხთან ერთად დგომისთვის პარლამენტს და დეპუტატის მანდატს დატოვებს.
"მე პოლიტიკაში მოვედი ორი წლის წინ. ორი წლის განმავლობაში არ დასრულებულა ჩემზე პირადი შეურაცხყოფა, ათასი იარლიყის მოწებება, მაგრამ მივიწევ წინ, ეს ჩემზე არ მოქმედებს.
არ მოვსულვარ მე პოლიტიკაში იმისთვის, რომ სკამი მინდოდა ან რამეს გამოვქცეულიყავი, ჩემი გამოცდილება, რაც მე ამ შენობაში მივიღე მეუბნება, რომ აზრი არ აქვს იმ ადამიანებთან საქმის კეთებას, რომელიც ზურგში დანას გირტყამს და ხმას გართმევს. ამიტომ მივიღე გადაწყვეტილება. აი ეს არის მანდატი. მე ვტოვებ პარლამენტს. ვტოვებ იმიტომ, რომ ქუჩაში გავაგრძელო ბრძოლა თავისუფალი საქართველოსთვის.გავაგრძელო ბრძოლა ჩვენი შვილებისათვის", - განაცხადა მამუკა ხაზარაძემ.
