მიხეილ სააკაშვილის უკრაინელი ადვოკატი საქართველოში არ შემოუშვეს. როგორც ევგენი გრუშოვეცი ამბობს, ის მესამე პრეზიდენტის საქმეში ჩართვას გეგმავდა, თუმცა საზღვარზე ისე გააჩერეს, რომ მიზეზი არ აუხსნეს.
სააკაშვილის უკრაინელმა ადვოკატი ფაქტთან დაკავშირებით ახსნა-განმარტებას მთელი ღამის განმავლობაში ელოდებოდა. დილით კი საკუთარ ქვეყანაში დააბრუნეს.
"ახალ თვითმფრინავის ტრაპზე ვდგავარ, აქ შეიკრიბნენ და მითხრეს, რომ არ მიშვებენ ქვეყანაში. მე მათ ავუხსენი ჩემი ჩამოსვლის მიზანი, რომ ჩამოვედი მიხეილ სააკაშვილთან და მის ადვოკატებთან შესახვედრად, თუ რატომ არ მიშვებენ ქვეყანაში, ამის მიზეზი არ ამიხსნეს, ჩემი პასპორტი თვითმფრინავის მეთაურს აქვს და მეუბნებიან, რომ დავტოვო ქვეყანა და დავბრუნდე ქვეყანაში", - თქვა ადვოკატმა.
