"მთავრმა არხმა" ბათუმში მიმდინარე კონფერენციაზე პრემიერმინისტრ ირაკლი ღარიბაშვილის სიტყვით გამოსვლის დროს ხმა და კადრი გათიშა. შავ ფონზე კი გამოჩნდა წარწერა: "აქ უნდა ყოფილიყო საქართველოს პრემიერმინისტრის გამოსვლა".
ცნობისთვის, ბათუმში საერთაშორისო კონფერენცია საქართველოს ევროპული გზა მიმდინარეობს, სადაც აღმოსავლეთ პარტნიორობის ასოცირებული ქვეყნების ლიდერთა შეხვედრა იმართება.
კონფერენციაში მონაწილეობას იღებენ უკრაინის პრეზიდენტი ვოლოდომირ ზელენსკი, მოლდივის პრეზიდენტი მაია სანდუ და ევროპული საბჭოს პრეზიდენტი, შარლ მიშელი.
