საქართველოს პარლამენტის თავმჯდომარე არჩილ თალაკვაძე საკანონმდებლო ორგანოს საქმიანობის ყოველწლიურ ანგარიშს წარადგენს.
გარდა ამისა პარლამენტის თავმჯდომარე ისაუბრებს მომდევნო წლის სამოქმედო გეგმაზეც.
ანგარიშის ძირითადი ნაწილი პარლამენტის რეგლამენტში 2019 წელს შესულ ცვლილებებსა და იმ 2019 წელს, საკანონმდებლო ორგანოს მიერ დამტკიცებულ კანონპროექტებს დაეთმობა.
შეგახსენებთ, საქართველოს პარლამენტმა არჩილ თალაკვაძე თავმდჯომარედ 2019 წლის 25 ივნისს ხმათა უმრავლესობით აირჩია.
ყოფილმა თავმჯდომარემ, ირაკლი კობახიძემ კი პოსტი 21 ივნისს დატოვა.
სწორედ ირაკლი კობახიძე იყო პირველი, ვინც პარლამენტის ახალი რეგლამენტის თანახმად, ყოველწლიური ანგარიშით დეპუტატების წინაშე წარსდგა.
