"კალაძის ბავშვობის მეგობარი, ვინმე დავით კვიჟინაძე, ბიზნესპარტნიორი და უახლოესი ბავშვობის მეგობარი იარაღმომარჯვებული დარბოდა მთელ გლდანში ჩვენ ეს ვნახეთ. კადრები არსებობს", - ეს განცხადება ერთიანი ნაციონალური მოძრაობის ერთ-ერთმა ლიდერმა ნიკა მელიამ "ლეიბორისტულ პარტიასთან" ოპოზიციური პარტიების შეხვედრაზე შესვლამდე Report.ge-სთან გააკეთა.
მისი თქმით, ის არ აპირებს თვალთმაქცობას და პოლიტიკაში ყოფნას.
"ეს რეალურად არის უკვე მცდელობა, რომ დახუფონ ჩვენი სახელმწიფო, მაგრამ არა, არ არსებობს, მე პირადად არ ვაპირებ უკან დახევას. არ მინდა თვალთმაქცობა, რომ პოლიტიკაში ვარ, ჰალსტუხი გავიკეთო, სიტყვა ვთქვა პარლამენტში და გარეთ სხვა რეალობა ხდებოდეს. ძალადობდეს როცა უნდა, როცა უნდა თავზე ხელს უსმევდეს და ამით ვიყოთ ბედნიერი?", - განაცხადა ნიკა მელიამ.
დემეტრე ერგემლიძე
ავტორი