"ორშაბათს შევხვდებით, რომ საარჩევნო კოდექსში ცვლილებების ტექსტზე ჩამოვყალიბდეთ. არის რიგი საკითხები,რომელზეც დრო სჭირდებათ ჩვენს კოლეგებს, რომ საბოლოო პოზიცია ჩამოაყალიბონ", - ამის შესახებ საპარლამენტო უმრავლესობის წევრმა შალვა პაპუაშვილმა განაცხადა. მისი თქმით, ოპოზიციასთან საარჩევნო კოდექსთან დაკავშირებით მსჯელობა მიმდინარეობს.
პაპუაშვილი აცხადებს, რომ მხარეებს შორის რამდენიმე საკითხი უკვე შეთანხმდა და მხარეები შედეგთან ახლოს არიან.
"რაც შეეხება ადმინისტრაციების დაკომპლექტებას, ცესკოს, ოლქის და უბნის აქაც ვფიქრობთ, რომ პრინციპზე თითქმის შეთანხმებული ვართ“, -აღნიშნა პაპუაშვილმა.
