ოპოზიციური პარტიები თბილისის მერობის კანდიდატად დღეს ნიკა მელიას წარადგენენ. თბილისის საკრებულოს თავმჯდომარის ადგილისთვის კი ელენე ხოშტარია იბრძოლებს. ღონისძიებაზე სტუმრები და ჟურნალისტები არ იქნებიან. ამ დროისთვის უცნობია, შედგა თუ არა შეთანხმება "ლელოსთან" და რა განაცხადა მამუკა ხაზარაძემ საერთო კანდიდატის შესახებ მსჯელობისას.
"ვიმუშავეთ ჩვენს პარტნიორ ოპოზიციურ პარტიებთან, რათა შეგვექმნა საერთო ოპოზიციური ერთობა, რომლითაც უნდა დავამარცხოთ ივანიშვილი. საზოგადოება მალე გაიგებს, ვინ იქნება ამ ერთობაში. ვინ თქვა უარი შემოსვლაზე და ვინ განაცხადა, რომ დაქსაქსულობით უფრო მეტის მიღწევა შეიძლება", - თქვა "ნაციონალური მოძრაობის" წევრმა ზაალ უდუმაშვილმა.
