"ქართული ოცნების" თავმჯდომარე ირაკლი კობახიძემ თბილისის ქუჩებში გამოფენილ ბანერებზე გააკეთა კომენტარი. მან თქვა, რომ პლაკატები, რომელიც ოპოზიციის შეფასებით სიძულვილის ენას შეიცავს, შეიძლება ვიღაცას მოწონდეს, ვიღაცას კი არა.
"ეს არის, როგორც ჩანს მადლიერი ხალხის საჩუქარი იმ ოპოზიციას, რომელიც 9 წლის მანძილზე გამოირჩეოდა უსასტიკესი მეთოდებით. რა თქმა უნდა, ნებისმიერი გამოხატვის ფორმა, რომელიც შეიცავს ასეთ ნიშნებს, ბუნებრივია, ხელს უწყობს პოლარიზაციას, მაგრამ მთავარი პოლარიზატორები კარგად იცით, ვინ არიან. ესაა რადიკალური ოპოზიცია თავისი 3 კუთვნილი ტელევიზიით", - განაცხადა ირაკლი კობახიძემ.
