"ყველა მიმართულებით ჩვენ გვაქვს ხელშესახები პროგრესი", - ამის შესახებ საქართველოს პრემიერ-მინისტრმა ირაკლი ღარიბაშვილმა პარლამენტში, დასკვნითი სიტყვის წარმოთქმისას განაცხადა.
"პრაქტიკულად ყველა მიმართულებით, იქნება ეს ადამიანის უფლებები, ჯანდაცვა, განათლება, სპორტი, კულტურა, პოლიციის დეპოლიტიზება და მისი გაძლიერება, უსაფრთხოების სამსახურის გაძლიერება, ჯარის გაძლიერება - ყველა მიმართულებით ჩვენ გვაქვს ხელშესახები პროგრესი. ეს არის საკმარისი? - რა თქმა უნდა, არა. მე ჩემს გამოსვლაში ვისაუბრე, რომ ამ ყველაფრის მიუხედავად ჩვენი მთავარი ამოცანა არის ჩვენი მოსახლეობის, ჩვენი მოქალაქეების სიღარიბე. ნახევარ მილიონზე მეტი დღეს სახელმწიფოსგან იღებს შემწეობას, რომ გადარჩნენ. მათ შორის, 180 000 ბავშვია", - განაცხადა ღარიბაშვილმა.
