საქართველოს პრეზიდენტი, სალომე ზურაბიშვილი აშშ-ის სახელმწიფო მდივნის, მაიკ პომპეოს საქართველოში დაგეგმილ ვიზიტს სოციალურ ქსელში ეხმაურება.
„მივესალმებით ამერიკის შეერთებული შტატების სახელმწიფო მდივნის ვიზიტს საქართველოში. ჩვენი სტრატეგიული პარტნიორის, აშშ-ის მხარდაჭერა მნიშვნელოვანია საქართველოს დემოკრატიული განვითარებისთვის და რეგიონში მშვიდობისა და სტაბილურობის გამყარებისთვის,“- წერს სალომე ზურაბიშვილი ,,ტვიტერის" გვერდზე.
ცნობისთვის, საქართველოს ორდღიანი ვიზიტით აშშ-ის სახელმწიფო მდივანი მაიკ პომპეო, 17 ნოემბერს ეწვევა.
We welcome the visit of the U.S. Secretary of State to Georgia. The support from our strategic partner, the United States, for our democratic development and for peace and stability in the region is important.
— Salome Zourabichvili (@Zourabichvili_S) November 11, 2020
