"რა თანამდებობა აქვს? თანაშემწის მოადგილე რა უბედურებაა? თანაშემწე და იმის მოადგილე? - ამის შესახებ დედაქალაქის მერმა კახა კალაძემ აშშ-ს სახელმწიფო მდივნის თანაშემწის მოადგილის ერიკა ოლსონის მიერ გაკეთებულ განცხადებაზე შეკითხვის საპასუხოდ განაცხადა.
კალაძის თქმით, მან ასევე არ იცის, ვის შეხვდა ეს ადამიანი და რა განცხადებებს აკეთებს.
ცნობისთვის, აშშ-ს სახელმწიფო მდივნის თანაშემწის მოადგილე ერიკა ოლსონის განცხადებით, ამერიკას აწუხებს ის, რომ მთავრობის მოქმედებებმა ძირი გამოუთხარა ზოგიერთ დემოკრატიულ პროცესს.
ერიკა ოლსონი ნოემბრის დასაწყისში ვიზიტით საქართველოში იმყოფებოდა. ოლსონმა შეხვედრები გამართა საქართველოს პრემიერ-მინსიტრთან, საგარეო საქმეთა მინისტრთან, ოპოზიციური პარტიების წარმომადგენლებთან, ასევე შეხვდა ომბუდსმენის აპარატისა და არასამთავრობო ორგანიზაციების წარმომადგენლებს.