ერგნეთში ინციდენტების პრევენციისა და მასზე რეაგირების მექანიზმის ჯგუფის შეხვედრის მიმდინარეობისას რუსულმა სამხედრო თვითმფრინავმა საქართველოს საჰაერო სივრცე დაარღვია.
გავრცელებული ინფორმაციით, რუსულმა ვერტმფრენმა ოკუპირებული ცხინვალიდან ახალგორის მიმართულებით გადაიფრინა.
როგორც სახელმწიფო უსაფრთხოების სამსახურში report.ge-ს განუცხადეს, ფაქტთან დაკავშირებით გააქტიურდა ევროკავშირის ცხელი ხაზი. აღნიშნულ საკითხზე ასევე ისაუბრებენ ერგნეთში ამ წუთებში მიმდინარე შეხვედრაზეც.
ცნობისთვის, ერგნეთში ინციდენტების, პრევენციების და მათზე რეაგირების ფორმატში რიგით 98-ე შეხვედრა მიმდინარეობს.
