საქართველოს მესამე პრეზიდენტის მიხეილ საკაშვილის განცხადებით, საქართველოში უკვე არავის ეპარება ეჭვი იმაში, რომ 31 ოქტომბერს არჩევნები გაყალბდა.
,,საქართველოში არავის, ,,ქართული ოცნების" მხარდამჭერებსაც კი, არ ეპარებათ ეჭვი, რომ ივანიშვილმა მინიმუმ, 15-20% დაიმატა და მოიპარა ქართველი ხალხის ხმები. ამ ვითარებაში, როცა ყველანაირი მტკიცებულება გვაქვს არჩევნების გაყალბების, რა უნდა ვქნათ? ვუთხრათ დიქტატორს - მოდი, ეს მოპარული გქონდეს, გავაგრძელოთ ცხოვრება ჩვეულებრივად, თუ არ შევარჩინოთ ეს მოპარული ხმები? რა თქმა უნდა, მოლაპარაკება უნდა იყოს, მაგრამ არავის არაფერი არ უნდა შევარჩინოთ", - განაცხადა სააკაშვილმა ,,მთავარის" ეთერში.
