"ქართული ოცნების" თავმჯდომარე ირაკლი კობახიძე ექს-პრეზიდენტ მიხეილ სააკაშვილის პატიმრობის საკითხზე კომენტარს აკეთებს და აცხადებს, რომ საქართველოს მესამე პრეზიდენტმა უნდა მოიხადოს ის სასჯელი, რომელიც მას აქვს შეფარდებული.
ირაკლი კობახიძის განცხადებით, თუ სამართლიანობა არ იქნება, არ იქნება მშვიდობა.
"მარტივად არის საქმე - მიხეილ სააკაშვილს აქვს შეფარდებული სასჯელი, რომელიც საჭიროებს მოხდა. ეს აუცილებელია სამართლიანობისთვის. ხომ არ არსებობს მშვიდობა სამართლიანობის გარეშე? თუ სამართლიანობა არ იზეიმებს, ასეთ შემთხვევაში ბუნებრივია, არ იქნება მშვიდობა. სააკაშვილი იჯდება ციხეში იმ ვადით, რა ვადაც მას შეეფარდება. 6 წელი აქვს უკვე შეფარდებული. შეიძლება ეს იყოს უფრო ხანგრძლივი ვადა. სამართალი და კანონი უნდა აღსრულდეს მის მიმართ“, - განაცხადა კობახიძემ.
