ევროპის საბჭოს ადამიანის უფლებათა კომისარი საქართველოს სახელმწიფო ინსპექტორის სამსახურის გაუქმების შესახებ მომზადებულ კანონპროექტს ეხმაურება. დუნია მიატოვიჩი მიმართვას ევროპის საბჭოს ოფიციალურ ვებგვერდზე ავრცელებს. ის საქართველოს პარლამენტს მოუწოდებს, თავი შეიკავოს დაჩქარებული წესით და დაინტერესებულ მხარეებთან სათანადო კონსულტაციის გარეშე კანონპროექტის მიღებისაგან.
"საქართველოს პარლამენტმა უარი უნდა თქვას კანონპროექტის მიღებაზე, რომელიც სახელმწიფო ინსპექტორის სამსახურის დამოუკიდებელ ფუნქციონირებას აზიანებს.
მიღების შემთხვევაში, კანონპროექტი მხოლოდ შეასუსტებს საქართველოში ადამიანის უფლებათა დაცვის ეროვნული მექანიზმების დამოუკიდებელად ფუნქციონირებას,"- წერს კომისარი.
The Georgian Parliament should reject draft legislation undermining the independent functioning of the State Inspectorâs Service https://t.co/RKHrP1dmgg
— Commissioner for Human Rights (@CommissionerHR) December 28, 2021
