"ნაციონალური მოძრაობის" წევრის რომან გოცირიძის განცხადებით, ევროპამ საქართველოს პოლიტიკური ვითარება და პოლიტიკური კლასი თავის პლუსებით და მინუსებით გაიცნო.
გოცირიძის თქმით, შარლ მიშელი პოლონეთის პარლამენტის თავმჯდომარეს ვერ დაგისახელებს, მაგრამ იაგო ხვიჩია ვინ არის იცის.
"თავად ევროპელები ამბობენ, რომ საქართველო არასდროს ისტორიაში არ ყოფილა მსგავსი ყურადღების ქვეშ. შარლ მიშელს რომ ჰკითხო ვინ არის პოლონეთის პარლამენტის თავმჯდომარე, ვერ გეტყვის, მაგრამ იაგო ხვიჩია ვინ არის, რომ ჰკითხოთ იცის. საქართველოს პოლიტიკური ვითარება და პოლიტიკური კლასი გაიცნეს თავის პლუსებით და მინუსებით და ხელისუფლებაც", - განაცხადა რომან გოცირიძემ "პალიტრანიუსის" ეთერში.
