"უფრო სერიოზულ დოკუმენტად გადაიქცა ბატონი შარლ მიშელის გეგმა" - ამის შესახებ "ლელოს" ლიდერმა მამუკა ხაზარაძემ ევროპის საბჭოს პრეზიდენტის პირად წარმომადგენელთან კრისტიან დანიელსონთან შეხვედრის დასრულების შემდეგ განაცხადა.
მისივე თქმით, ეს პროცესი ქვეყნის განვითარებისთვის ძალიან მნიშვნელოვანია.
"რიგგარეშე არჩევნები არის ერთ-ერთი მთავარი, ცენტრალური საკითხი ამ მოლაპარაკებებში. საუბარია, როგორი ფორმულით უნდა მოხდეს შეთანხმება ამ არჩევნებთან დაკავშირებით",- განაცხადა მამუკა ხაზარაძემ.
ცნობისთვის, კრისტიან დანიელსონის შეხვედრები მმართველ გუნდთან და ოპოზიციური პარტიების წარმომადგენლებთან მეორე დღეა გრძელდება. მხარეები საკანონმდებლო ორგანოში შესვლასთან დაკავშირებით პოზიციების დაახლოებაზე მსჯელობენ.
