უმრავლესობის დეპუტატი ლადო კახაძე ჯანდაცვის მინისტრს ეკატერინე ტიკარაძეს მოუწოდებს, რომ ვაქცინაციასთან დაკავშირებით, ყველა პლატფორმიდან აქტიური საინფორმაციო კამპანია აწარმოოს.
კახაძის თქმით, ჯანდაცვის სამინისტროს ამის სრული პოტენციალი გააჩნია.
"ერთი თხოვნა მექნება - სოციალურ-საინფორმაციო ბომბაჟი ანუ ინფორმაცია მუდმივ რეჟიმში, ყველა დონის ყურისათვის, ყველა დონის ტვინისათვის უნდა იყოს ყველა პლატფორმიდან, უთოს რომ ჩართავ, თავიდან ბოლომდე ადამიანზე, კითხვებზე პასუხი უნდა იყოს გაცემული და თქვენ ამის პოტენციალი გაგაჩნიათ", - აღნიშნა კახაძემ.
