ცესკოს ბრიფინგზე, სპიკერმა ანა მიქელაძემ 20:00 საათის შემდეგ, ამომრჩეველთა საარჩევნო უბანზე დაშვების შესახებ ისაუბრა.
"კანონმდებლობით გათვალისწინებულია ამომრჩეველთა დაშვება 20:00 საათის შემდეგ, იმ შემთხვევაში, თუ რიგში 20:00 საათამდე ჩადგნენ. საარჩევნო უბნის დახურვის შემდეგ, კომისიის თავმჯდომარის გადაწყვეტილებით, კომისიის წევრი ადგენს იმ ამომრჩეველთა სიას, რომლებიც რიგში იდგნენ 20:00 საათამდე. შესაბამისად, მოქალაქეები საკუთარ კონსტიტუციურ უფლებას განახორციელებენ", - ამბობს ანა მიქელაძე.
რაც შეეხება კოვიდუბნებს, 21:00 საათამდე გაგრძელდება ხმის მიცემის პროცესი.
