საქართველოს პრემიერ-მინისტრმა მსოფლიო ბანკის ვიცე-პრეზიდენტთან პარტნიორობის სტრატეგია განიხილა. შეხვედრაზე, რომელიც ვიდეოკონფერენციის ფორმატში გაიმართა, საქართველოს ვაქცინაციის ეროვნული გეგმის მხარდაჭერის შესაძლო მიმართულებებზე ისაუბრეს.
პრემიერ-მინისტრმა პანდემიის პერიოდში არაერთი მიმართულებით გაწეული მხარდაჭერისთვის მსოფლიო ბანკს მადლობა გადაუხადა.
მსოფლიო ბანკის წარმომადგენლებმა დაადასტურეს, რომ ისინი მხარს დაუჭერენ საქართველოში იმ რეფორმების განვითარებას, რომელიც ხელს შეუწყობს ევროკავშირში ინტეგრაციას.
პრემიერ-მინისსტრის აპარატის მიერ გავრცელებული ინფორმაციის თანახმად, მსოფლიო ბანკს საქართველოში ერთ-ერთი ყველაზე დივერსიფიცირებული პორტფელი აქვს, რომელიც 2.7 მილიარდ აშშ დოლარს უტოლდება.
