"თამარ ბაჩალიაშვილის გარდაცვალების საქმესთან დაკავშირებით გამოძიებას ჯერ ვერ მივედავებით, კონკრეტული განცხადებები არ გაუკეთებია"- ამის შესახებ პარლამენტის პირველმა ვიცე-სპიკერმა განაცხადა.
გია ვოლსკის თქმით, მხოლოდ ოჯახის ინტერესი არაა, რომ ამ საქმის გარშემო არსებულ კითხვებს პასუხი გაეცეს.
"მხოლოდ ოჯახის ინტერესში არ არის, რომ თემებს, რომლებიც კითხვის ნიშნის ქვეშ არის, პასუხი გაეცეს. საზოგადოებას კითხვებზე პასუხები აინტერესებს. ამასთან დაკავშირებით, გამოძიებას ჯერ ვერ მივედავებით, რადგან კონკრეტული განცხადებები არ გაუკეთებია და ჯერ რაიმე შედეგებზე არ გავსულვართ. ბევრი კითხვაა და კომპეტენტური გამოძიების მიერ მათზე პასუხი იქნება გაცემული. დანარჩენი, ყველა პოლიტიკური ინსინუაცია გამოძიებასაც ხელს უშლის და იმ მიმართულებას ემსახურება, რასაც სტრესული ატმოსფეროს შექმნა და წინასაარჩევნო პერიოდში როგორმე დესტაბილიზაციის მიღწევა ჰქვია," - განაცხადა გია ვოლსკიმ.
