საქართველოს საგანგებო და სრულუფლებიანმა ელჩმა ზურაბ პატარაძემ დღეს, 19 ნოემბერს გაცნობითი შეხვედრა გამართა აზერბაიჯანის რესპუბლიკის ახლად დანიშნულ ახალგაზრდობისა და სპორტის მინისტრთან ფარიდ გაიბოვთან.
საუბრისას, მინისტრმა განაცხადა, რომ საქართველო მეტად მნიშვნელოვანი პარტნიორია აზერბაიჯანისთვის და ხაზი გაუსვა, წლების განმავლობაში ჩამოყალიბებულ მჭიდრო და მეგობრულ ურთიერთობებს ორი ქვეყნის სპორტსმენებსა და ახალგაზრდა თაობებს შორის.
პატარაძემ აღნიშნა, რომ ორ მეგობარ ხალხს შორის ურთიერთობების დიდი წილი მოდის სწორედ კულტურულ-ჰუმანიტარულ კავშირებზე და ერთობლივი ძალისხმევით, საჭიროა ამ მიმართულების კიდევ უფრო გაღრმავება და შემდგომი განვითარება.
